به گزارش خبرنگار خبرگزاری ایرنا در کابل؛ مولوی احمدالله زاهد، معین وزارت صنعت و تجارت دولت سرپرست افغانستان امروز دوشنبه۲۲ دلو جهت هماهنگی بهتر امور تجارتی و سرمایه‌گذاری اعضای سکتورخصوصی کشور چین با خانم مونگ شیاولی، رئیس اتحادیه اتباع چین در افغانستان دیدار کرد.
طرفین پیرامون هماهنگی بهتر در امور سرمایه‌گذاری، تجارت و صدور ویزه افغانستان به تاجران و سرمایه‌گذاران کشور چین صحبت نمودند.
مولوی احمدالله زاهد، معین امور صنعت و تجارت این وزارت مشوره‌های لازم را جهت هماهنگی بیشتر و تسریع در روند فعالیت‌های سرمایه‌گذاری و تجاری کشور چین با رئیس اتحادیه اتباع چین در افغانستان شریک نمودند.
به گزارش ایرنا، در بیش از سه سال گذشته سرمایه‌گذاران و تاجران چینی در بخش‌های مختلف در افغانستان سرمایه‌گذاری کردند.
پایان پیام/
Your Comment